Fikmin #Timburu#
Kenging: Candra Puspita
“Enggeus Nyai, pira duaaneun! Ieu aya Jang Oding. Ma Ijah gegeroan ka Nyi Enas, nu keur jongjon ngalaan tutut, na sela-sela dapuran paré nu keur meujeuhna ngḗmploh. Sakapeung cengkat. Nyusutan késang nu renung na beungeutna.
“Enya Ma ké kukumbah heula, témbalna, bangun nu keuheul.
Sanggeus beberesih, laju nyampeurkeun. Pasemon kuraweud.
“Arék naon kadieu? Kurang jelas Sms abi? Yén duriat urang kudu pegat,” pokna.
Bréh kabayang Si Dora ngagunyeng buuk.
“Mun wani-wani babarengan deui jeung Kang Oding, awas!” pokna waktu panggih di pengkolan, peuting kamari.
Si Dora geulis rancunit, loba lalaki nu ngaheureuyan. Tapi tara lana, sabab centilna kaleuwihan.
“Ayeuna urang buktikeun, yén akang teu aya hubungan jeung Si Dora,” pokna.
Sanggeus dipaksa Nyi Enas éléh déét nyengclé na motor. Palebah imah Si Dora reg motor eureun. Jang Oding ngetrokan panto. Barang bray panto muka Nyi Enas colohok ningali Sidora teu diwedak jeung wig.***
