Fikmin #Ucing Sumput#
Kḗnging: Rita Rosita
“Yah, kopi!” Bari sok cikopi nu ngebul kḗnḗh ditunda dina mḗja makan. Nu digeroanana mah masih gegejeburan di kamar mandi. Kakara gḗ ngajḗngkat kadḗngḗ nu nyalukan. “Yang, punteh, ih, anduk!” Kojḗngkang nyokot anduk. Barang malik rḗk dibikeun, panto kamar mandi geus muka. “Gḗhḗl!” ngajerit tuluy malḗdogkeun anduk ka nu keur bulucun. Boga salaki tḗh ngogo pisan. Mun nyarita basana lemes; jajauheun kana haok polotot. Mun aya kahayang teu kudu ngaduakalian ngomong, ḗstu pok-pḗk. Jaba romantis. Ngagḗroan tara nyebut ngaran, pasti ‘Yang”. Matak dḗdḗngḗeun. Mun aya di imah tara cicing: mantuan masak, meresihan kamar mandi, sasapu. Nyaan ‘Family Mḗn’ tḗh. Matak nineung. Hanjakal hatḗ teu tenang, marojḗngja dijungjurigan kasieun. Teuing nepika iraha bisa ucing sumput jiga kieu, maling kabagjaan nu lian.***
